Эрик тен Ҳаг реализацияни «Манчестер Юнайтед»нинг асосий муаммоси деб ҳисоблайди.

«Манчестер Юнайтед» Европа Лигасининг 1-турида «Твенте»га қарши дуранг ўйнади (1:1). Бунгача жамоа Премер-лигада «Кристал Пэлас» билан ҳам очколарни бўлишиб олганди (0:0).

«Гол урмадик. Бу — муаммо. Асосийси — бутун жамоа билан имкон қадар кўпроқ гол уриш.

Жамоамизда гол уришга қодир футболчилар бор, бу аниқ. Кўряпсиз, биз вазиятлар яратяпмиз, аммо етарлича гол урмаяпмиз», — дейди манкунианликлар устози.