Тони Кроос «МЮ»га трансфери амалга ошмай қолгани сабабини айтди.

– Премьер-лигада тўп суришни истаган эдингиз, аммо бу амалга ошмай қолди...

– Бу фаолиятимнинг бошланғич даврида амалга ошиши мумкин эди. 2014 йилда «Реал»га ўтишдан аввал «Бавария»дан «Манчестер Юнайтед»га ўтишга жуда яқин эдим, улар билан келишувга эришиб бўлгандим.

Аммо «МЮ» мен ва «Бавария» билан музокараларда иштирок этган бош мураббий Дэвид Мойесни истеъфога чиқарди ва ўрнига Луи ван Гални таклиф этди. Шу тариқа, янги мураббий келгач икки томон ҳам бу келишувдан дўстона бош тортишди», - дейди Тони Кроос.

Қайд этиш жоиз, Луи ван Гал «Бавария» бош мураббийи сифатида ишлаган вақтида Кроос билан муносабати яхши бўлмаган.

Маълумот учун, 2014 йилда Мадрид клубига 25 млн еврога ўтган Кроос жамоа сафида жами 23та совринга эга чиқди, шу жумладан 5 марта ЕЧЛ ғолибига айланганди.