Ҳанс-Дитер Флик «Барселона»да стартдаги ғалабалар бўйича рекордга яқин.

Каталонияликлар Ла Лиганинг 7-турида «Хетафе»ни мағлуб этишди (1:0).

Шу тариқа немис мутахассиси «кўк-анорранглилар» бошқарувида Испания чемпионатидаги дастлабки 7 та ўйинида ғалаба қозонган учинчи мураббий бўлди. 2017 йилда Эрнесто Валверде ҳам худди шундай натижага эришган. 

Херардо Мартино эса 2013 йилда «Барса» билан Ла Лигадаги дастлабки 8 та ўйинни ютишга муваффақ бўлган ва энг яхши старт айнан унга тегишли.