Полшалик дарвозабон Войцех Шченсни катта футболга қайтаётгани ва «Барселона»га ўтаётганини тасдиқлади.

«Ювентус» ва Полша миллий жамоаси собиқ дарвозабони августда футболчилик фаолиятини якунлагани ҳақида маълум қилганди. «Барса»нинг асосий дарвозабони Андре тер Стеген жароҳат олиб, мавсум якунига қадар сафдан чиққач, Каталония клуби Роберт Левандовски орқали унинг ҳамюрти бўлган голкиперга таклиф билан чиққан. Войцех Каталония клубига эркин агент сифатида қўшилади.

«Ҳа, «Барса» билан музокара ўтказдим ва бу жамоага ўтиш ҳақида ўйлаяпман. Бу таклифни кўриб чиқмаслик фаолиятим учун ҳам ҳурматсизлик бўларди. «Барса» - жаҳоннинг энг яхши клубларидан бири», — дея полшалик дарвозабоннинг сўзларини келтирган Sports.