«Реал» Ла Лигада бир йилдан бeри ютқазмаяпти. 

Карло Анчелотти шогирдлари 7-турда «Алавес»ни мағлуб этишди (3:2).

Мадридликларнинг Испания чемпионатидаги сўнгги мағлубияти 2023 йилнинг 24 сентябрига тўғри келади — «Атлетико»дан (1:3). Ўшандан бери жамоа 39 та ўйин ўтказди ва ютқазмади. 

Бу борада Испанияда фақат «Барселона»нинг серияси узоқроқ бўлган — 2017 йилдан 2018 йилгача 43 та ўйин.

Кейинги турда «Реал»ни «Атлетико» билан дерби кутмоқда — баҳс 29 сентябрга белгиланган. Сўнг «қироллик клуби «Вилярреал» (уйда), «Селта» (сафарда), «Барселона» (уйда) ва «Валенсия» (сафарда) билан беллашади.

Анчелотти шогирдлари Каталония клуби рекордини янгилашлари учун бу ўйинларнинг барчасида ютқазмасликлари керак.