«Манчестер Сити» клуби жамоа яримҳимоячиси Родри жиддий жароҳат олганини расман тасдиқлади.

Клуб матбуот хизмати испаниялик футболчининг ўнг оёқ тизза хочсимон пайлари узилганини маълум қилди.

«Родрининг ўнг оёқ тизза хочсимон пайлари узилганини тасдиқлаймиз. Ушбу ҳафтада Родри Испанияга бориб, мутахассислар кўригида бўлади», - дейилади хабарда.

Маълумот учун, хочсимон пай узилишидан кейин Родри жарроҳлик столига ётиб, мавсум якунига қадар сафдан чиқиши тахмин қилинмоқда.