2034 йилги жаҳон чемпионатида спиртли ичимликлар сотилмайди.

Саудия Арабистони — ЖЧ-2034 мезбонлиги учун ягона даъвогар. 11 декабр куни бўлиб ўтадиган ФИФА Конгрессида мусобақа мезбон давлати расман эълон қилиниши кутилмоқда. 

Саудия Арабистонида спиртли ичимликлар ичиш ноқонуний ҳисобланади ва Sky Sports таъкидлашича, мундиал вақтида қонунларни юмшатиш режалаштирилмаган.

«Биз 100дан ортиқ спорт тадбирларини алкоголсиз ўтказдик, 3 миллион мухлисни кутиб олдик. Улар яхши вақт ўтказишди ва Саудия Арабистони таклиф қилаётган кўнгилочарликлар, санъат, мусиқа, маданият ҳамда меросни кашф этишди», — деди Саудия Арабистони таклифлар бўйича директори Ҳамад Ал Балавий.

Қолаверса, турнир Қатарда бўлиб ўтган ЖЧ-2022 каби қишда ўтказилиши мумкин.

«Бу ФИФА ва конфедерациялар, лигалар ва футбол ассоциациялари ўртасидаги қарор бўлади. Вақти келиб бу мунозарада қатнашамиз. Меҳмонлар сўралганда қабул қилишга тайёрмиз», — деди ал Балавий.