Карло Анчелотти жароҳатлар кўплиги сабаб тақвим зичлиги ҳақида ўйлашга чақирди.

«Реал» бош мураббийи Марк-Андре тер Стегеннинг жароҳати ҳақида гапирди — «Барселона» дарвозабони «Вилярреал» билан ўйинда хочсимон пайларидан жароҳатланди ва мавсумнинг қолган қисмини ўтказиб юборадиган бўлди. 

«Дунёнинг энг яхши дарвозабонларидан бири — тер Стегеннинг жароҳатидан жуда афсусдаман. Унинг тезроқ тузалиб кетишига умид қиламан.

Айни дамда бу борада кўп иш қила олмаймиз, чунки аввал ҳам айтганимдек, бу мавсумда ҳеч нарса ўзгармайди. Лекин тақвим ҳақида ўйлашимиз мумкин ва футбол олами буни қилиши керак», — дея италиялик мутахассиснинг сўзларини келтиради AS.