«Милан» бош мураббийи Паулу Фонсека А Серия 5-туридан ўрин олган «Интер»га (2:1) қарши ўйиндан сўнг ўз фикрлари билан ўртоқлашди. 

«Милан» анчадан бери дербида ғалаба қозона олмаётганди ва бу ютуқ бизнинг ҳозирги ҳолатимиз учун муҳим эди. Футболчилар жасорат кўрсатишди ва биз ғалабага ҳақли эдик. Анчадан бери ҳеч ким «Интер» учун бундай муаммо яратганини кўрмаганман.

Биз тизимни ўзгартирмадик, фақат баъзи нарсаларни бошқача қилдик. Футболчиларнинг ўзи ҳам ўзгарди.

Келгуси ҳафтага бироз кўпроқ ишонч билан бораман, лекин мен учун энг муҳими — ўйинчилар бизнинг ғояларимизга ишонишларини кўришда давом этиш. Яхшироқ ўйнашимиз кераклигини биламиз, аммо бу ғалаба футболчилар учун бўлди», — деди португалиялик мутахассис DAZN эфирида.