«Пахтакор» футбол клуби раиси Жаҳонгир Ортиқхўжаев амалдаги чемпионнинг турнир аутсайдери «Металлург»дан учралган мағлубиятидан (2:3) кейин Максим Шацкихнинг фаолияти хусусида ўз фикрини баён этди. 

«Максим Шацкихга келажакда катта клубларда ишлашини тилайман. У виждонли ва инсофли мураббий. Жамоа сўнгги учрашувларда қайд этган натижалардан афсусдаман. У ҳали катта клубларда ишлашига умид қилишим ҳақида кўп марта ўзига айтганман», - дея клуб раисининг сўзларини келтирган жамоа матбуот хизмати.

Маълумот учун, клуб ҳозирча бош мураббийнинг истеъфоси ҳақида эълон қилгани йўқ.