«Барселона» клуби ҳужумчи Роберт Левандовскига муносиб ўринбосар изламоқда.

Манбага кўра, Каталония клуби айни дамда 3 нафар ўйинчига жиддий эътибор қаратмоқда: «Манчестер Сити»дан Эрлинг Ҳоланд, «Спортинг»дан  Виктор Гокереш ва «Лейпциг»дан Бенжамин Шешко.

Қайд этилишича, клубнинг молиявий аҳволи беқарорлиги сабабли Гокереш ёки Шешко билан шартнома имзолаш варианти Ҳоландга қараганда реалроқ.

Маълумот ўрнида, Transfermarkt портали Ҳоландни 180 миллион, Гокерешни 65 миллион, Шешкони эса 50 миллион еврога баҳолаган. 

Эслатиб ўтамиз, 36 ёшли полшалик футболчининг «Барса» билан шартномаси 2026 йилнинг ёзигача мўлжалланган.