Ўзбекистон чемпионатининг 19-турига келиб «Металлург» мавсумдаги илк ғалабасини қўлга киритди. 

Расмий мезбонлар амалдаги чемпион билан баҳсда ғалабани илиб кетишди. Чераннинг тезкор голига иккинчи бўлимда Сатторов ва Ўринбоев жавоб беришди. 90+2-дақиқада Абдуллаев мувозанатни тиклаган бўлса, 90+8-дақиқада Миличкович суперголи билан аутсайдерга 3 очко келтирди. 

Эътиборлиси, Бекобод клуби бунгача 17 ўйиндан бери «шерлар»га ютқазаётганди ва сўнгги бор 2016 йилда ғалаба қозонганди. 

«Металлург» очколарини 14 тага етказиб, ҳамон сўнгги поғонада ва 13-ўриндаги «Бунёдкор»дан 1 очкога ортда бормоқда. «Пахтакор» 29 очко билан 4-ўринда қолди.

Суперлига. 19-тур

Металлург — Пахтакор 3:2

21 сентябр, ОКМК спорт мажмуаси

Голлар: Худойшукур Сатторов (67), Забиҳилло Ўринбоев (73), Марко Миличкович (90+8) — Драган Черан (4), Абдулла Абдуллаев (90+2). 

Металлург — Раҳим Давронов, Карим Палич, Олександр Кучеренко, Худойшукур Сатторов, Асад Собиржонов (Аброр Тошқўзиев, 82), Забиҳилло Ўринбоев (Далер Шарипов, 82), Азиз Пирмуҳаммадов, Шаҳзод Ғофурбеков (Искандар Шойқулов, 46), Даврон Ҳошимов, Марко Миличкович, Балса Секулич (Шаҳзод Неъматжонов, 70).

Пахтакор — Павел Павлюченко, Абдулла Абдуллаев, Муҳаммадқодир Ҳамралиев, Ҳожиакбар Алижонов, 1Драган Черан (Отабек Жўрақўзиев, 74), Достон Ҳамдамов, Умар Адҳамзода, Абдурауф Бўриев, Сардор Собирхўжаев (Диёр Холматов, 74), Маҳмуд Маҳамаджонов ( Пўлатхўжа Холдорхонов, 19), Улуғбек Ҳошимов (Кими Мерк, 85).

Огоҳлантиришлар Шаҳзод Ғофурбеков (41), Шаҳзод Неъматжонов (70), Забиҳилло Ўринбоев (73), Искандар Шойқулов (88), Карим Палич (90+1)