Мишел Платини янада қизиқарли қилиш учун футболда нимани ўзгартириш кераклигини айтди.

«Балки бир ўйинчини олиб, 10 футболчи билан ўйнашимиз керак.

Ўтган асрда биз 11 кишилик таркиб билан ўйнаганмиз, лекин унда футболчилар бугунгидан камроқ югуришган. Улар кучли эмасди ва секинроқ ҳаракат қилишарди. Шунинг учун энди ўйинчилар сонини камайтириш яхши фикр бўларди — бу майдонда ҳудудни кўпайтиради. 

Менинг давримдагилар ҳозирги футболни томоша қилишмайди, чунки унда ўзларини кўришмайди. Ҳозир орқага кўп тўп узатишади, тўпга эгалик қилиш учун ортга узатмалар сони кўпайган. 

Мен танқид қилмаяпман, лекин бизнинг даврдаги ҳужумкор футболни ёқтирадиган одамлар ҳозирги ўйинларни унчалик кўра олишмайди», — дея Франция миллий жамоаси собиқ яримҳимоячисининг сўзларини келтиради RMC Sport.