«Барселона» бош мураббийи Ҳанс-Дитер Флик ЕЧЛ 1-туридан ўрин олган «Монако» (1:2) билан ўйиндан сўнг ўз фикрларини билдирди. 

«Четлатишдан сўнг ўйин бутунлай ўзгарди. Биз доим ҳаракат қилдик, иштиёқ билан ҳимояландик, хатоларга йўл қўйдик, лекин гол уришга ҳам уриндик. Имкониятларимиз бўлди, аммо рақиб ҳақли равишда ғалаба қозонди.

Биз ютқаздик — тушунарли. Мен футболчиларга якшанба кунги «Вилярреал»га қарши ўйинга тикланишлари учун янада кучлироқ бўлиб қайтишлари кераклигини айтдим. Бор кучимизни бериб, жамоа учун курашишимиз керак. Бу ўйинда мағлуб бўлдик, аммо курашни давом эттирамиз.

«Монако» жуда яхши ўйнади, айниқса, иккинчи гол урилган эпизодда. Бу табиий, уларда жуда тезкор футболчилар бор.

Ҳимояда яхши ҳаракат қилишга уриндик, аммо ҳисоб 1:2 бўлди ва «Монако» бунга лойиқ эди», — деди каталонияликлар устози Movistar эфирида.