Ҳозиргина пара енгил атлетика бўйича аёллар ўртасида F54 классида найза улоқтириш дастурида финал баҳслари якунланди. 

Қувонарлиси, ушбу йўналишда юртимиз шарафини ҳимоя қилган Нурхон Қурбонова 21.12 метр натижа қайд этган ҳолда жаҳон рекордини янгилади ва делегациямиз ҳисобига 10-олтин медални қўшиб қўйди.

Маълумот учун, F54 классида найза улоқтириш бўйича амалдаги жаҳон рекорди ҳам айнан Нурхон Қурбонованинг ўзига тегишли эди. Ҳамюртимиз жорий йил Японияда бўлиб ўтган жаҳон чемпионатида 20.73 метр натижа билан жаҳон рекордини янгилашга муваффақ бўлган эди.

Эслатиб ўтамиз, Нурхон Қурбонова бундан аввал Токио-2020 ёзги Паралимпия ўйинларида кумуш ва бронза медалларини қўлга киритган.

Маълумот учун, Ўзбекистон жами 24та медал – 10та олтин, 8та кумуш ва 6та бронза билан умумжамоа ҳисобида 11-ўринга кўтарилди.