Париж Паралимпиадасида пара ўқ отиш баҳслари ҳам давом эттирилди. 

50 метр масофага кичик калибрли тўппончадан ўқ отиш бўйича саралашда ўзбекистонлик Сервер Ибрагимов 548 очко билан 3-ўринни эгаллади ва финал босқичига йўлланма қўлга киритди. 

Ибрагимов иштирокидаги финал Тошкент вақти билан 15:15да бошланади. 

Аёллар ўртасида шу дастурда қатнашган Шаҳноза Мамажонова эса 517 очко билан 21-поғонадан жой олиб, финалга чиқолмади.