Войцех Шчесни фаолиятини якунлади.

Полшалик 34 ёшли дарвозабон ўз қарорини ижтимоий тармоқлар орқали маълум қилди.

Шчеснининг фаолиятидаги сўнгги клуб «Ювентус» бўлиб, у ерда дарвозабон 7 мавсум ўтказди ва 252 та ўйинда майдонга тушди. 

Посбон Турин клуби билан уч мартадан А Серия ва Италия кубогини қўлга киритди, шунингдек, икки марта мамлакат Суперкубогини ютди. Бундан ташқари, у «Арсенал» билан икки бор Англия кубоги ва суперкубогида зафар қучди. 

Шчесни Полша таркибида тўртта Европа чемпионатида ва икки марта жаҳон чемпионатида иштирок этган.