«Манчестер Юнайтед» ҳимоячиси Аарон Уан-Биссака 5 йиллик фаолиятидан кейин клубни тарк этди.

Англиялик 26 ёшли ҳимоячи «Вест Ҳэм» клубига ўтди. Лондонликлар Аароннинг трансфери учун «МЮ»га 15 миллион фунт тўлашади. Уан-Биссака ва «Вест Ҳэм» ўртасида 2031 йилга қадар мўлжалланган 7 йиллик шартнома имзоланган.

Аарон 2019 йилда «Кристал Пэлас»дан «МЮ»га 50 миллион фунт эвазига ўтган эди. У якунланган мавсумда АПЛда 22 ўйинда 2та голли узатмага муаллифлик қилган.