Марк-Андре тер Стеген 2024/25 йилги мавсумда «Барселона» сардори бўлади.

Маrca хабарига кўра, Серхи Роберто кетганидан кейин боғич германиялик дарвозабонга ўтади. Бугун, душанба кунидан у янги мақомга эга бўлади ва «Монако»га қарши Жоан Гампер кубогида асосий сардор сифатида иштирок этади.

Аввалроқ Френки де Йонг ва Роналд Араухо вице-сардор бўлишлари ҳақида хабар берилганди.

Тер Стеген 2014 йилдан бери «Барселона»да ва ҳозирги таркибдагилар ичида энг узоқ муддат ўйнаётган футболчи саналади.