Олимпиада-2024 футбол баҳслари финалида Испания мезбон Францияни мағлуб этиб, турнир чемпионига айланишди.

Учрашувда французлар ҳисобни очган, сўнг испанлар учта гол билан жавоб берган бўлса-да, мезбонлар ўйиннинг асосий вақтида ҳисобни тенглаштиришди – 3:3. Матета 90+3-дақиқада пеналтидан гол урди.

Қўшимча бўлимларда эса Камельо дубл қайд этиб, Испанияга чемпионликни келтирди. Шу тариқа, испанлар кетма-кет икки бор турнир финалида ўйнаб, иккинчисида олтин медалга эга чиқишди. «Қизил фурия» мусобақани Ўзбекистон устидан қозонилган ғалаба (2:1) билан бошлаганди.

Париж-2024. Финал

Франция U-23 – Испания U-23 – 3:5

Голлар: 1:0 – 11 Мийо, 1:1 – 18 Лопес, 1:2 – 25 Лопес, 1:3 – 28 Алекс Баэна, 2:3 – 79 Аклиуш, 3:3 – 90+3, пенальти Матета, 3:4 – 100 Камельо, 3:5 – 118 Камельо.

Франция U-23 – Рест, Трюффер (Локо, 90), Лукеба, Баде, Сильдийя (Шерки, 111), Шотар (Аклиуш, 52), Коне (Магасса, 105), Мийо (Дуэ, 78), Олисе, Ляказетт (Калимуэндо, 52), Матета.

Испания U-23 – Тенас, Миранда (Мигел Гутьеррес, 98), Кубарси, Эрик Гарсия, Пубиль (Хуанлу Санчес, 73), Алекс Баэна (Туррьентес, 83), Барриос, Серхио Гомес, Лопес (Бернабе, 73), Орос (Пачеко, 88), Абель Руис (Камельо, 83).

Огоҳлантиришлар: Коне (36), Баде (45+5), Бернабе (76), Алекс Баэна (78), Миранда (90+2), Пачеко (94).