Кубалик курашчи Михаин Лопес Олимпиадалардаги бешинчи олтин медалини қўлга киритди.

Париж-2024да юнон-рум кураши бўйича 130 килограммгача бўлган вазн тоифасидаги финалда Лопес чилилик Ясмани Акостани 6:0 ҳисобида мағлуб этди.

Кубалик спортчи Пекин-2008, Лондон-2012, Рио-2016 ва Токио-2020да ҳам худди шу вазнда олтин медалга сазовор бўлганди. 

Лопес индивидуал кўринишда кетма-кет 5 та ёзги Олимпия ўйинларида олтин медал олган тарихдаги биринчи спортчи бўлди. 

41 ёшли курашчи тарихий натижадан сўнг гиламда оёқ кийимларини қолдириб, фаолиятини якунлаганини билдирди.