Мартин Брэйтуэйт «Эспаньол»ни сотиб олмоқчи.

«Барселона» собиқ форварди бу ёзда «Эспанол»ни тарк этиб, «Гремио»га ўтди. 

Брэйтуэйт ўзи ўйнаган Каталония клубини сотиб олиш ҳақида ўйламоқда. Даниялик футболчининг бир нечта бизнеси бор: АҚШда риелторлик компанияси, Гавада ресторан (Барселона провинциясида) ва кийим-кечак линияси. 

33 ёшли ҳужумчи «Эспаньол»нинг ҳозирги эгалари билан совуқ муносабатларга эга эди. Чунки ўтган ёзда у Ла Лига жамоасига ўтмоқчи бўлганида, клуб уни қўйиб юбормаган. Мартин Евро-2024 га боришни хоҳларди. Натижада унинг Сегунда клубида қолгани Дания сафига чақирилмаслигига сабаб бўлди.