Никлас Фуллкруг фаолиятини Англия чемпионатида давом эттиради.

Журналист Флориан Плеттенберг ва инсайдер Фпбрицио Романонинг хабар беришича, «Вест Ҳэм» ва «Боруссия» ҳужумчини 26 млн евро ҳамда яна 4 млн бонуслар эвазига трансфер қилишга келишиб олган. Қўшимча тўловлар бўйича охирги тафсилотларни ҳал қилиш қолди.

31 ёшли немис Лондон клуби 2027 йилга қадар шартнома имзолайди ва уни яна бир йилга узайтириш имконияти бўлади. Футболчи солиқлардан ташқари йилига 3 млн еврогача маош олади. Тиббий кўрик яқин кунларда бўлиб ўтади.

Фуллкруг ўтган мавсумда Бундеслигада 29 ўйинда 12 та гол урган.