«Фулҳэм» Скотт Мактоминей учун янги таклиф билан чиқди.

Ўтган ҳафта Лондон клуби «Манчестер Юнайтед» яримҳимоячиси учун 17 миллион фунт таклиф қилганди, аммо манкунианликлар бундан каттароқ сумма кутишаётгани учун рад жавобини беришди.

Инсайдер Фабрицио Романонинг ёзишича, бу сафар «Фулҳэм» 20 млн фунтдан ортиқ таклиф қилган.

Бироқ бу таклиф ҳам рад этилиши кутилмоқда. «Юнайтед» футболчини 30 млн фунтга сотишга тайёр.

Ўтган мавсумда 27 ёшли шотланд Премер-лигада 32 ўйинда 7 та гол урган.