Бокс бўйича Ўзбекистон аёллар жамоаси аъзоси Навбаҳор Ҳамидова турнирдаги иштирокини бошлади.

Ҳамюртимиз Олимпиададаги биринчи жангини америкалик Морелле Маккейнга қарши ўтказди. 1/8 финалнинг дастлабки раундини Навбаҳор 4:1 ҳисобида ўз фойдасига ҳал қилган бўлса, иккинчи раундни АҚШ вакили ўз фойдасига ҳал қилди. Ҳал қилувчи 3-раундда эса ҳакамлар Ҳамидованинг устунлигини қайд этишди.

Шу тариқа, Навбаҳор чоракфиналга йўлланма олди.

Эслатиб ўтамиз, аёллар ўртасидаги баҳсларда Ситора Турдибекова ҳам кейинги босқичга чиққан бўлса, Нигина Ўктамова ва Сабина Бобоқулова турнирни тарк этганди.