Олимпиада ўйинларининг иккинчи кунги баҳслари доирасида ўзбекистонлик боксчи Лазизбек Мулложонов турнирдаги дастлабки жангини ўтказди.

-92 кг вазн тоифасининг 1/8 финалида Лазизбек италиялик жаҳон чемпионати совриндори ва Европа чемпиони Азиз Аббос Муҳиддинга қарши рингга кўтарилди.

Ҳамюртимиз дастлабки раундда 4:1 ҳисобида устун келган бўлса, иккинчи раундни 3:2 ҳисобида ўз фойдасига ҳал қилди. Сўнгги раунд ҳам Муллажонов фойдасига ҳал бўлди.

Шу тариқа, Муллажонов умумий ҳисобда 4:1 ҳисобида устун келиб чоракфиналга йўлланма олди. Яримфинал йўлланмаси учун баҳс 1 август куни бўлиб ўтади.