Португалиялик ҳимоячи Пепе футболчилик фаолиятини якунлаши мумкин.

Журналист Руди Галетти ижтимоий тармоқларда хабар беришича, Саудия клублари эркин агент мақомидаги футболчини ўз таркибида кўрмоқчи, бироқ 41 ёшли футболчи фаолиятини якунламоқчи.

Олдинроқ Испаниядан «Селта» Пепега қизиқиш билдираётгани ҳақида хабарлар тарқалганди.

Эслатиб ўтамиз, Пепенинг сўнгги клуби «Порту» бўлган. У 2019 йилнинг январида эркин агент сифатида «Бешиктош»дан Португалия клубига ўтганди. Ўтган мавсумда ҳимоячи барча турнирларда 34 та ўйин ўтказиб, 3 та гол урди ва 2 та голга ассистентлик қилди. 

Transfermarkt маълумотларига кўра, футболчининг трансфер қиймати 500 минг еврони ташкил қилади.