Аббос Файзуллаев Париж-2024 Олимпиадаси 1-тур доирасидаги Испанияга қарши кечган (1:2) баҳсдан кейин Ўзбекистон 24 телеканалига интервю берди. 

«Қийин ўйин бўлди. Яхши тайёргарлик кўрган эдик. Испания турнир фаворитларидан бири эканлгини билардик. Лекин улардан кучсиз эдик дея олмайман. Бундай баҳсларда учрашув тақдирини биргина гол ҳал этиб қўйиши мумкин.

Олдинда иккита ўйин бор. Кейинги баҳсларга тайёргарлик кўриб, Худо хоҳласа гуруҳдан чиқиш вазифасини уддалаймиз.

Биз бир жамоамиз. Ютсак жамоа бўлиб ютамиз, енгилсак жамоа бўлиб енгиламиз», — деган Ўзбекистон Олимпия жамоаси яримҳимоячиси.

Темур Кападзе шогирдлари 2-тур доирасида 27 июл куни Мисрга қарши майдонга тушади.