Эрон миллий жамоаси ҳужумчиси Сардор Озмун фаолиятини БААда давом эттиради.

Инсайдер Фабрицио Романонинг ёзишича, 29 ёшли эронлик форвард «Байер»дан «Шабоб Ал-Аҳли» клубига ўтмоқда. Бирлашган Араб Амирликлари клуби Сардор учун немис жамоасига 5 миллион евро трансфер пули тўлайди. Томонлар келишувга эришган. Тиббий кўрик душанба куни Дубайда ўтказилади.

Маълумот учун, Озмун ўтган мавсумни ижара асосида «Рома»да ўтказганди. У 29 ўйинда 3та гол ва 4та ассист қайд этганди.

Эслатиб ўтамиз, Азиз Ғаниев ўтган мавсумларни айнан БААнинг ушбу клубида ўтказиб, яқинда жамоа билан хайрлашганди.