Хамес Родригес янги мавсум олдидан Испанияга қайтиши мумкин.

Колумбия миллий жамоаси яримҳимоячисига «Селта» клуби қизиқиш билдирмоқда. COPE хабарига кўра, Виго клуби Хамесга расман 2 йиллик шартнома таклиф қилган. Қайд этилишича, унга Испаниянинг яна бир қатор клублари қизиқиш билдирган.

Футболчининг ўзи Копа Америкада ўзини яхши кўрсата олгач, яна Европага қайтишни режалаштираётгани ҳақида гапирганди.

Аввалроқ, 33 ёшли футболчи «Сан-Паулу» билан келишувни бекор қилаётгани ва Испанияга қайтишга тайёрлиги хабар қилинганди.

Эслатиб ўтамиз, колумбиялик футболчи «Реал» шарафини ҳимоя қилганди.