«Челси» МЛС иштирокчиси «Аталанта Юнайтед»дан 19 ёшли Калеба Уайлини сотиб олганини эълон қилди.

Лондон клуби америкалик ҳимоячининг трансфери учун АҚШ клубига 8,5 миллион фунт тўлайди. Томонлар 6+1 кўринишида 2030 йилга қадар шартнома имзолаган.

Қайд этилишича, 19 ёшли футболчи янги мавсумни Франциянинг «Страсбур» клубида ижара асосида ўтказади.

Калеба «Атланта» сафида 77 ўйинда 6та гол ва 5та ассист қайд этган. У ҳозирда АҚШ олимпия жамоаси сафида Париж-2024 турнирига тайёргарлик кўрмоқда.