«Ювентус»нинг собиқ ҳимоячиси Леонардо Бонуччи янги бош мураббий Антонио Конте билан «Наполи»нинг истиқболи қандай бўлиши ҳақида гапирди.

«Мен Конте «Наполи»ни А Серияда камида иккинчи ўринга олиб чиқишини айта оламан. Ўтган мавсумда юз берган барча қийинчиликлардан сўнг неаполликлар энг яхши танловни амалга оширди. Улар тўғри билимларни берадиган дунёнинг энг яхши мураббийларидан бирини танлашди. «Ювентус»да ҳам шундай бўлди. 

«Наполи»да кучли ва сифатли таркиб бор, шунинг учун Конте жуда яхши натижа қайд эта олади», — дея Бонуччининг сўзларини келтиради Calciomercato. 

2023/2024 йилги мавсумда «Наполи» 53 очко билан Италия чемпионатида 10-ўринни эгаллади, «Интер» мамлакат чемпионига айланганди (94 очко). Бир мавсум аввал эса Неапол клуби скудеттони қўлга киритганди.