«Нефтчи» клуби Суперлига иккинчи давраси олдидан таркибини кучайтиришда давом этмоқда.

Фарғона клуби Ўзбекистон миллий жамоаси аъзоси Азизбек Амонов билан шартнома имзоланганини эълон қилди.

«Иккинчи давра олдидан жамоамиз катта трансферни амалга оширди, жамоамиз сафига Азизбек Амонов келиб қўшилди», - дейилади клуб хабарида.

Азизбек Амонов 1997 йилнинг 30 октябрида туғилган. Ўзбекистон миллий футбол жамоаси аъзоси саналмиш ҳужумчи ҳозиргача БААнинг «Хорфаккан» клуби шарафини ҳимоя қилаётган эди.

Шунингдек, футболчи фаолияти давомида «Локомотив», «Бухоро», «Истиқлол» (Эрон) ва «Насаф» жамоаларида тўп сурган.

Аввалроқ, «Нефтчи» Қувондиқ Рўзиев билан шартнома имзолаганини эълон қилганди.