«Ювентус» клуби 5 йиллик ҳамкорликдан кейин Адриен Рабио билан хайрлашганини эълон қилди.

Франциялик 29 ёшли яримҳимоячининг Турин клуби билан амалдаги келишуви 1 июл куни якунига етганди. Томонлар шартномани узайтириш борасида музокара ўтказаётгани ҳақида хабар қилинган бўлса-да, келишувга эришилмаган.

Рабио Франция миллий жамоаси сафида Евро-2024да 5 ўйинда майдонга тушди. Адриен айни дамда эркин агент саналади.

Маълумот учун, франциялик футболчи якунланган мавсумда А Серияда 31 ўйинда 5та гол ва 3та ассистга муаллифлик қилган.