«Барселона» клуби мавсум олдидан Нико Уилямс ва Дани Олмони ўз сафига қўшиб олишни истамоқда.

Marca хабарига кўра, Каталония клуби спорт директори Деку ўтган икки кун ичида Уилямс ва Олмонинг агентлари билан учрашиб, футболчиларнинг трансферини муҳокама қилган.

Қайд этилишича, Деку музокараларда ижобий ўзгаришларга эришган.

Уилямснинг «Атлетик» билан келишувида 58 миллион евро товон пули кўрсатилган бўлса, «Лейпциг» хавбеки Олмонинг товон пули 60 миллион еврони ташкил этади. Яна бир жиҳати Данининг шартномасида кўрсатилган товон пули миқдори фақат 20 июлгача амал қилади.