Серхио Гомес «Манчестер Сити»дан «Реал Сосиедад»га ўтди.

«Шаҳарликлар» 23 ёшли ҳимоячининг испан клубига ўтганини тасдиқлашди.

Трансфер қиймати бонусларни ҳисобга олганда 10 млн еврони ташкил қилди. Футболчи ва Сан-Себастиан жамоаси ўртасидаги келишув 2030 йилгача мўлжалланган.

«Ман Сити» испаниялик ҳимоячининг кейинги трансферидан 30 фоиз улуш олади. 

Ўтган мавсумда Гомес АПЛда 6 та баҳсда майдонга тушиб, 1 та голга ассистентлик қилган. У «Ман Сити»да икки мавсум ўйнади.