Марказий ҳимоячи Алессандро Буонжорно «Торино»дан «Наполи»га ўтди.

Неапол клуби келишув тафсилотларини ошкор қилмади.

Журналист Жанлука Ди Марционинг хабарига кўра, трансфер қиймати 35 млн еврони ташкил этган, яна 5 млн евро бонуслар кўзда тутилган. 

Бундан ташқари, 2027 йилдан бошлаб Буонжорнонинг шартномасида товон пули 70 млн еврони ташкил этади. 

2023/24 йилги мавсумда Буонжорно А Сериянинг 29 та ўйинида 3 та гол урган ва 1 та голга ассистентлик қилган.

25 ёшли ҳимоячи Италия миллий жамоасига номзод саналади ва ҳозиргача «мовий гвардия» сафида 4 ўйин ўтказган.