Жозе Моуринио ва Женнаро Гаттузо жамоалари ўртоқлик баҳсида зиддиятга боришди. 

Чоршанба куни «Фенербаҳче» ва «Ҳайдук» ўртасида ўртоқлик учрашуви бўлиб ўтди. Туркия жамоасини Моуринио, Хорватия клубини Гаттузо бошқармоқда.

Беллашув давомида мураббийлар майдонда муштлашган футболчиларни ажратишга мажбур бўлишди.

Таъкидланишича, Гаттузо ўз футболчиларини итариб юборган, Моуринио эса ўйинчиларидан тинчланишни сўраган.

Ўйин 1:0 ҳисобида «Ҳайдук» фойдасига ҳал бўлди.