Габриэл Агбонлаҳор Португалия миллий жамоаси ҳужумчиси Криштиану Роналду ва бош мураббийи Роберто Мартинесни танқид қилди.

«Мен Роналдунинг мухлисиман. У — ажойиб футболчи. Аммо Криштиану бу турнирда ҳеч нарса қилмади. У рақибга таҳдид қилмади, босим ўтказмади, ҳимояланмади. У имкониятлар яратишга ёрдам бера олмади, у чиққан вазиятлар эса ҳимоячиларга муаммо туғдирмади.

Шу билан бирга у деярли тўлиқ ўйнади ва алмаштирилмади. Роберто Мартинес Роналдуни захира ўриндиғида қолдиришдан жуда қўрқди ва бу Португалияга турнир учун қимматга тушди», — деди «Астон Вилла» клуби ва Англия миллий жамоасининг собиқ футболчиси.

Португалия Евро-2024да чоракфиналда Францияга пеналтилар сериясида ютқазиб, мусобақа билан хайрлашди.