УЕФА Евро-2024 иккинчи яримфинали доирасидаги Нидерландия – Англия учрашувини бошқариб борадиган ҳакамлар рўйхатини эълон қилди.

Унга кўра, германиялик Феликс Цвайер учрашув бош ҳаками сифатида ишлайди. Унга қанотларда Штефан Лупп ва Марко Ахмюллер ёрдам берса, захира ҳаками – Даниэл Зиберт.

ВАР ҳаками – Бастиан Данкерт, ассистентлари – Кристиан Динкерт ва Марко Фритц.

Маълумот учун, Нидерландия ва Англия ўртасидаги финал йўлланмаси учун баҳс 10 июл соат 23:59да бошланади.