«Манчестер Юнайтед» собиқ дарвозабони Давид Де Хеа фаолиятини Саудия Арабистонида давом эттириши мумкин.

Журналист Руди Галеттининг ёзишича, испаниялик голкипер Саудиянинг «Аш-Шабоб» клуби билан музокара ўтказмоқда. Де Хеа бир йиллик танаффусдан кейин катта футболга қайтмоқчи. У ҳамон эркин агент саналса-да, Европа клубларидан таклиф олмаган.

Қайд этилишича, Ар-Риёд клубидан ташқари, Саудиянинг яна бир клуби ҳам Давид билан музокара ўтказмоқда.

Эслатиб ўтамиз, 33 ёшли Давид Де Хеа 2023 йилнинг ёзида Манчестер клубини тарк этиб, ҳозиргача жамоасиз саналади.