Криштиану Роналду Евро-2024ни тарк этганидан кейин мухлисларга мурожаат қилди.

Португалия миллий жамоаси чоракфиналда Францияга имкониятни бой берди (0:0, пен — 3:5).

«Биз кўпроқ нарсани хоҳлагандик. Бундан яхшисига лойиқ эдик. Ўзимиз учун. Ҳар бирингиз учун. Португалия учун.

Бизга берган барча нарсаларингиз учун миннатдормиз. Ишончим комилки, майдонда ҳам, унинг ташқарисида ҳам бу мерос шарафланади ва жамоа қурилиши давом этади. Биргаликда», — деб ёзди Роналду «инстаграм»даги саҳифасида.