УЕФА Евро-2024 доирасида Словакияга қарши ўйиндаги хатти-ҳаракати учун Жуд Беллингҳэмни жаримага тортди.

1/8 финалда Англия миллий жамоаси қўшимча бўлимлардан сўнг Словакияни 2:1 ҳисобида мағлуб этди. «Реал»нинг 21 ёшли футболчиси 90+5-дақиқада ҳисобни тенглаштирди.

Голдан сўнг Беллинҳэм қўлини пастга тушириб, номақбул хатти-ҳаракат кўрсатди. Яримҳимоячи буни «яқин дўстларига нисбатан ҳазил ишораси» деб атади. 

Bild'нинг ёзишича, эпизодни кўриб чиққан УЕФА англиялик ҳавбекни дисквалификация қилмасликка қарор қилди. Беллингҳэм 20 минг евро жарима тўлайди.