Сўнгги икки мавсумни «Фенербаҳче»да ўтказган ҳужумчи Миши Батшуайи эркин агент сифатида «Галатасарой»га ўтди. 

Белгиялик 30 ёшли футболчи Туркия чемпиони билан 2027 йил ёзигача мўлжалланган шартнома тузди. 

Эътиборлиси, Батшуайи Истанбулнинг 3 та катта клубида ўйнаган футболчига айланади. У «Фенербаҳче»гача бир мавсум «Бешиктош»да ҳам тўп тепган. 

Ҳужумчи ўтган мавсумда Туркия Суперлигасида 27 ўйинда 12 та гол урган.