«Реал» клуби жамоа сардори Начо билан хайрлашганини расман эълон қилди.

34 ёшли ҳимоячи 2001 йилдан буён Мадрид клуби тизимида бўлиб, асосий таркибда 364 ўйинда майдонга тушиб, 26та совринга эга чиққан. Жумладан, Начо 6 карра ЕЧЛ ғолиби, 5 карра клублар ўртасидаги ЖЧ ғолиби, 5 карра Испания Суперкубоги, 4 карра Европа Суперкубоги, 4 карра Ла Лига чемпиони ва 2 марта Испания кубоги соҳибига айланган. 
 
Начо Саудия Арабистонининг «Ал-Қодисия» клуби билан 2 йиллик шартнома имзолагани хабар қилинганди.