Евро-2024 D гуруҳида 3-тур учрашувлари якунига етди.

Нидерландия ҳамда Австрия ўртасидаги баҳсда навбатдаги автоголдан кейин австрияликлар ҳисобни очган бўлса, Гакпо 2-бўлим бошида ҳисобни тенглаштирди. Кўп ўтмай Шмид Рангник шогирдларини яна ҳисобда олдинга олиб чиққанди, 75-дақиқада эса Депай фарқни яна тенглаштирди – 2:2.

Орадан 5 дақиқа ўтиб Забитцер Австриянинг ғалаба голига муаллифлик қилиб, жамоасини гуруҳ ғолибига айлантирди – 3:2.

Франция – Полша баҳсида эса Мбаппе ва Левандовскининг пеналтидан киритган голлари дурангга сабаб бўлди – 1:1.

Шу тариқа, Австрия 6 очко билан кейинги босқичга гуруҳ ғолиби сифатида чиқди, Франция (5 очко) 2-ўрин билан, Нидерландия (4 очко) эса 3-ўринни эгаллаб гуруҳдан чиқди.

D гуруҳи. 3-тур

Нидерландия – Австрия 2:3

Голлар: 0:1 – 6, автогол Мален, 1:1 – 47 Гакпо, 1:2 – 59 Шмид, 2:2 – 75 Депай, 2:3 – 80 Забитцер.

Нидерландия – Вербрюгген, Гертрюйда, де Врей, ван Дейк, Аке (ван де Вен, 65), Схаутен, Верман (Симонс, 35), Рейндерс (Вейналдум, 65), Мален (Веҳорст, 72), Гакпо, Депай.

Австрия – Пентц, Пош, Линхарт (Баумгартнер, 62), Вебер, Прасс, Забитцер, Гриллич (Кверфельд, 64), Шмид, Зайвальд, Виммер (Лаймер, 63), Арнаутович (Грегорич, 78).

Огоҳлантиришлар: Пош (32), Виммер (33).

Франция – Полша 1:1

Голлар: 1:0 – 56, пеналти Мбаппе, 1:1 – 79, пеналти Левандовски.

Франция – Меньян, Кунде, Упамекано, Салиба, Эрнандес, Канте (Гризманн, 61), Рабьо (Камавинга, 61), Тчуамени (Фофана, 81), Дембеле, Барколя (Жиру, 61), Мбаппе.

Полша – Скорупски, Давидович, Беднарек, Кивер, Залевски (Скурась, 68), Зелиньски, Шиманьски (Свидерски, 68), Модер, Франковски, Урбаньски, Левандовски.

Огоҳлантиришлар: Залевски (24), Рабьо (43).