Роберто Де Зерби «Марсел»ни бошқаради.

Француз клуби Англия чемпионати якунланганидан кўп ўтмай «Брайтон»ни тарк этган италиялик мутахассис билан келишувга эришганини эълон қилди.

«Марсел»нинг маълум қилишича, томонлар янги бош мураббий ва унинг штаби билан келишувни расмийлаштиришлари керак. 

Де Зерби феврал ойидан буён жамоада ишлаётган Жан-Луи Гассе ўрнини эгаллади.

«Марсел» 2023/24 йилги мавсумда Лига 1да 8-ўринни эгаллаган. Бу — жамоанинг 2016 йилдан бери энг ёмон натижаси.