Москванинг ЦСКА клуби бош директори Роман Бабаев Аббосбек Файзуллаевга Европадан таклиф бўлаётгани ҳақидаги хабарларга муносабат билдирди.

«Файзуллаевга қизиқиш бор, аммо бу расмий таклиф эмас. Ҳар қандай ҳолатда ҳам шошилишга ҳожат йўқлигини барча билади, шу жумладан Аббоснинг ўзи ҳам. Аминманки, Аббос эртами ё кеч Европа даражасида ўйнай олади, аммо ҳамма ишнинг ҳам ўз мавриди бор.

Агарда клуб ва унинг ўзига қандайдир фантастик таклиф бўлиб қолмаса, футболчимизнинг тез орада қаергадир йўл олади, дея олмаймиз. Бунинг эҳтимоли юқори эмас», - дея Бабаевнинг сўзларини келтиради «Советский Спорт» нашри.

Аввалроқ, Аббосбек Файзуллаевга «Вилляреал» қизиқиш билдираётгани ҳақида хабарлар тарқалганди.