Европа чемпионати 2-турида, F гуруҳининг марказий ўйинида Португалия Туркия билан тўқнаш келиб, жавобсиз 3 та гол урди. 

Биринчи бўлимда Силва ҳисобни очди, сўнг Акайдин ва Байиндир ўртасидаги тушунмовчилик автогол билан якунланди. Иккинчи бўлимда эса Роналдунинг узатмасини Фернандеш голга айлантирди. 

Евролар тарихидаги энг яхши тўпурар (14) бўлган Роналду энг яхши ассистентга (8) ҳам айланди. 

Шу тариқа Португалия (6) Германия ва Испания ортидан 1/8 финалга йўлланма олган учинчи жамоа бўлди. Туркия (3) эса сўнгги турда Чехия (1) билан баҳсда 2-ўринни сақлаб қолишга ҳаракат қилади. 

Евро-2024. F гуруҳи. 2-тур

Туркия — Португалия 0:3

22 июн, «Сигнал Идуна Парк»

Голлар: Силва (21), Акайдин (28, автогол), Фернандеш (56).

Туркия – Байиндир, Челик, Бардакчи, Акайдин (Демирал, 75), Айхан (Юксек, 58), Кадиўғли, Чалхонўғли, Кекчю (Язижи, 46), Акгун (Гюлер, 70), Актуркўғли (Йилдиз, 58), Йилмаз.

Португалия – Кошта, Канселу (Семеду, 68), Пепе (Антониу Силва, 83), Диаш, Мендеш, Фернандеш, Силва, Пальинья (Рубен Невеш, 46), Витиня (Жоау Невеш, 88), Леау (Нету, 46), Роналду.

Огоҳлантиришлар: Бардакчи (25), Леау (39), Акайдин (42), Челик (42), Палиня (45).