Роберто Мартинес Португалия миллий жамоасининг Евро-2024га тайёргарлигига баҳо берди.

Бугун, 18 июн куни португаллар Европа чемпионатини Чехияга қарши ўйин билан бошлайди.

«Биз катта орзу қилишимиз керак. Ишониш керак. Ўзим билан 7 та кўйлак олдим (Евро-2024 финалчилари турнирда 7 та ўйин ўтказади), 3 та эмас.

Ўз иқтидоримиздан унумли фойдаланишимиз керак, аммо ўйиндан ташқарида ҳам нималарга қодирлигимизни кўрсатишимиз, руҳий жиҳатдан кучли бўлишимиз ва тўсиқларни енгиб ўтишимиз керак.

Менимча, жамоа тайёр, лекин ҳали ўзининг энг юқори чўққисига чиққани йўқ. Бунга дастлабки 3 та ўйиндан кейингина чиқа оламиз», — деди Португалия бош мураббийи.